Vazhdojnë luftimet në Sudan, 200 të vrarë deri tani

Shpërthimet kanë goditur kryeqytetin sudanez, Kartum, më 18 prill, teksa luftimet kanë hyrë në ditën e katërt, pavarësisht thirrjeve të vazhdueshme ndërkombëtare që t’iu jepet fund armiqësive.

Deri më tani, pothuajse 200 persona janë vrarë në katër ditët e konfliktit.

Luftimet po zhvillohen midis forcave të dy gjeneralëve rivalë që morën pushtetin përmes një grusht shteti më 2021: shefit të ushtrisë, Abdel Fattah al-Burhan dhe zëvendësit të tij, Mohamed Hamdan Daglo, që komandon grupin paramilitar, Forcat e Mbështetjes së Shpejtë, shkruan REL.

Luftimet po zhvillohen në mbarë Sudanin dhe është rritur frika se ky konflikt mund të përhapet në mbarë rajonin, teksa në Sudan po kryhen sulme ajrore dhe ka luftime me artileri të rëndë.

LEXONI GJITHASHTU:

• Sulmohet ambasadori i BE-së në Sudan
• Sudani përfshihet nga dhuna, 100 të vrarë nga lufta mes grupeve të armatosura