Vazhdojnë sulmet izraelite në Rafah, vriten paktën 25 palestinezë

Forcat izraelite bombarduan kampet në Palestinë, duke vrarë të paktën 25 njerëz dhe duke plagosur 50 të tjerë sipas Ministrisë së Shëndetësisë së Gazës dhe punonjësve të urgjencës.

Sulmeve ishin jashtë zonës së sigurt të caktuar nga Izraeli. Izraeli ka bombarduar më parë vende në afërsi të “zonës humanitare” në Muwasi, një zonë rurale në bregun e Mesdheut që është mbushur me kampe tendash të shumta në muajt e fundit.

Sulmet erdhën pasi Izraeli e shtyu përpara operacionin e tij ushtarak në Rafah. Shumica tani janë larguar nga Rafah, por Kombet e Bashkuara thonë se asnjë vend në Gaza nuk është i sigurt dhe kushtet humanitare janë të rënda pasi familjet strehohen në tenda dhe apartamente të ngushta pa ushqim, ujë ose furnizime të mjaftueshme mjekësore.

Izraeli thotë se po synon luftëtarët dhe infrastrukturën e Hamasit dhe se po përpiqet të minimizojë vdekjet e civilëve. Ajo fajëson militantët për numrin e madh të viktimave civile dhe thotë se kjo është për shkak se ata veprojnë në mesin e popullatës.

Gjykata e lartë e Kombeve të Bashkuara ka arritur në përfundimin se ekziston një “rrezik i mundshëm gjenocidi” në Gaza – një akuzë që Izraeli e mohon fuqishëm.

Ofensivat tokësore dhe bombardimet izraelite kanë vrarë më shumë se 37,100 njerëz në Gaza, sipas Ministrisë së Shëndetësisë, e cila nuk bën dallim midis ushtarëve dhe civilëve në numërimin e saj.

LEXO GJITHASHTU:

• Ushtria izraelite: 550 luftëtarë të Hamasit u vranë në Rafah
• Prisnin kamionët me ndihma në Rafah, 8 palestinezë vriten nga sulmet izraelite