Vazhdon protesta e fermerëve në Spanjë. Rreth 1000 traktorë nisen drejt Barcelonës
Në Spanjë ka vijuar këtë të mërkurë protesta e fermerëve, të cilët të martën kanë bllokuar me traktorët e tyre rrugët kryesore në të gjithë vendin, ndërsa tashmë kanë kërkuar bllokimin e tregjeve dhe porteve.
Në Katalonjë, një grup prej rreth 1000 traktoristësh po përparon drejt qendrës së Barcelonës, ku do të takohen me Presidentin Pere Aragones dhe Ministrin për Veprimin Klimatik, Ushqimin dhe Çështjet Rurale, David Maskorta.
Demonstruesit u mblodhën gjithashtu në Pamplona, Logroño, Valencia, Zamora dhe Castilla-La Mancha dhe Castilla, raporton Pais.
Kryeministri spanjoll Pedro Sánchez u zotua sot në Kongres për të forcuar ligjet e zinxhirit të furnizimit ushqimor që ndalojnë shitjet me humbje. Ai tha gjithashtu se do të zbatojë pjesë të klauzolës për importet e ushqimeve dhe do të kërkojë të thjeshtojë Politikën e Përbashkët Bujqësore (CAP) për ta bërë më të lehtë përshtatjen me rregulloret evropiane.
Demonstruesit po kërkojnë përmirësime të kushteve për fermerët, si reduktimi i kufizimeve të vendosura nga rregulloret mjedisore, respektimi i ligjeve të zinxhirit të furnizimit ushqimor, çmime të drejta për produktet bujqësore dhe tarifa më të ulëta për karburantin dizel. Protestat filluan të martën dhe bllokadat e rrugëve rezultuan në kolapse të trafikut në afrimet drejt shumicës së qendrave urbane në të gjithë Spanjën.
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
Protesta e studentëve kundër masave shtrënguese në Kili, 25 të plagosur nga përleshjet
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve