Vdekja e Fetullah Gulenit, reagon ministri i Jashtëm i Turqisë

Ministri i Jashtëm i Turqisë ka reaguar pas vdekjes së drejtuesit të organizatës islamike FETO, Fetullah Gulen.

Hakan shprehet se vdekja e Gulen shënon fundin e figurës pas kësaj organizate të errët, “por vendosmëria e kombit tonë në luftën kundër terrorizmit mbetet e palëkundur”.

Ai iu bëri thirrje individëve që kanë pasuar rrugën e Gulenit të çlirohen nga “rruga e pabesë e punës kundër shtetit dhe kombit”.

“Ajo (FETO) ka mashtruar mijëra të rinj, duke i joshur në radhët e saj nën maskën e vlerave të shenjta, vetëm për t’i kthyer në instrumente tradhtie ndaj atdheut, kombit dhe besimeve të tyre.

Sot këta individë po shfrytëzohen nga agjencitë e huaja të inteligjencës, duke u përdorur si armë kundër popullit të tyre në mënyrë të turpshme.

Me vdekjen e liderit të tyre, u bëj thirrje atyre që janë ende nën këtë iluzion që të çlirohen nga ky mashtrim. Hiqni dorë nga kjo rrugë e pabesë e punës kundër shtetit dhe kombit tuaj.

Kjo rrugë nuk të çon askund mirë; fundi i tij është i mbushur me keqardhje dhe çnderim. Është koha për t’u kthyer në anën e së vërtetës dhe besnikërisë”, u shpreh Hakan.

LEXONI GJITHASHTU:

• Rival i përbetuar i presidentit Erdogan, ja kush ishte kleriku turk Fetullah Gulen
• Ndahet nga jeta udhëheqësi i organizatës islamike FETO, Fethullah Gulen