Gruaja e ish-liderit të opozitës ruse, Alexey Navalnyt, Yulia Navalnaya, thotë se nuk e di nëse duhet ta besojë lajmin e vdekjes së burrit të saj.

“Nuk e di nëse duhet ta besoj këtë lajm të tmerrshëm apo jo”, ka thënë gruaja e Navalny, sipas mediave të huaja.

Duke folur në Konferencën e Sigurisë në Mynih, Yulia Navalnaya tha se lajmi për vdekjen e burrit të saj deri më tani erdhi vetëm nga burime shtetërore.

“Ne nuk mund t’i besojmë vërtet Putinit dhe qeverisë së tij,” thotë ajo.

Më pas ajo shton se nëse lajmi për vdekjen e bashkëshortit të saj është i vërtetë, Putini dhe aleatët e tij duhet të mbajnë përgjegjësi personale për këtë dhe gjithçka që “po i bëjnë Rusisë”.

“Unë po i kërkoj të gjithëve që janë këtu të bashkohen dhe të ndihmojnë në ndëshkimin e regjimit rus,” thotë Navalnaya.

LEXONI GJITHASHTU:

• Vdekja e Navalnyt| Rusia: Presim ekzaminim, akuzat e perëndimit s’kanë asnjë bazë
• Vdekja e Aleksei Navalny, reagon Blinken: Rusia është përgjegjëse