EMRI/ Gjendet pa shenja jete një 63-vjeçar në Dragostunjë, çfarë thotë policia

Një 63-vjeçar, i identifikuar si Nazmi Cani, është gjetur pa shenja jete në fshatin Dragostunjë.

Sipas dyshimeve të para dhe veprimeve që po kryen grupi hetimor, dyshohet për infarkt, por do të jenë hetimet ato që do të përcaktojnë shkaqet e vërteta të vdekjes.

Nga informacionet e para thuhet se 63-vjeçari nuk është ndjerë mirë gjatë kohës që po drejtonte automjetin e tij, ka ndaluar dhe ka dalë prej tij, dhe në atë moment dyshohet se ka pësuar infarkt.

Ngjarja ka ndodhur mëngjesin e kësaj të premte në një rrugë rurale të fshatit Dragostunjë, që bën pjesë në Njësinë Administrative Qendër të Bashkisë Librazhd.

Sipas informacioneve paraprake, trupi është zbuluar nga një kalimtar, i cili ka njoftuar menjëherë policinë.

Ndërkohë, policia ka rrethuar zonën dhe ka marrë në pyetje banorët e afërt, me qëllim grumbullimin e informacioneve që mund të ndihmojnë në zbardhjen e plotë të rastit.

Njoftimi i policisë

“Mëngjesin e kësaj të premte, në fshatin Dragostunjë, është gjetur në rrugë, pa shenja jete, shtetasi N. C., 63 vjeç, i cili dyshohet se ka humbur jetën për shkak të arrestit kardiak.

Grupi hetimor po punon për dokumentimin e rrethanave të rastit”, thuhet në njoftim.

LEXONI GJITHASHTU:

• Vrau të afërmin me armë zjarri, dorëzohet kryeplaku i fshatit Abat në Shkodër
• EMRI/ Vritet me armë zjarri 61-vjeçari në Shkodër, autori në kërkim