Vdes nga mbidoza 1-vjeçari në New York, droga ishte fshehur në dyshemenë e çerdhes

Fentanili që vrau një fëmijë një vjeçar në një çerdhe në New York City ishte fshehur në dhomën e gjumit nën dysheme ndërsa ai flinte, kështu thuhet në raportin e policisë.

Nicholas Dominici, i cili kishte qenë në çerdhe për vetëm një javë, vdiq nga një mbidozë e dyshuar droge të premten. Tre fëmijë të tjerë u shtruan në spital pasi u ekspozuan ndaj lëndës narkotike të fuqishme në qendrën e kujdesit ditor në Bronx.

Ndaj dy personave janë ngritur akuza për konspiracion droge dhe vrasje. Policia beson se fëmijët, të moshës nga tetë muaj deri në dy vjeç, thithën fentanil në çerdhe.

Tre fëmijëve iu dha Narcan, një mjekim urgjent i përdorur për të rikthyer mbidozën e opioideve.

Otoniel Feliz, babai i Dominicit, u citua nga ABC të ketë thënë se ai është ende duke përpunuar vdekjen e fëmijës së tij të vogël.

“E dua, më mungon, dua që të kthehet, por nuk ka asgjë që do të më kthejë djalin tim”,- tha Feliz.

Një kontroll në çerdhe u gjet një kilogram fentanil që u zbulua “nën një rrogoz ku fëmijët kishin fjetur më parë”, tha shefi i detektivit të NYPD, Joseph Kenny të hënën. Sipas BBC hetuesit zbuluan gjithashtu tre presa të përdorura për të paketuar kilogramë drogë.

LEXONI GJITHASHTU:

• Arrestohen dy serbë në veri të Kosovës
• EMRI| I dënuar për atentatin e kryer në vitin 2009, arrestohet në Rinas 35-vjeçari