Veliaj: Mos bllokoni numërimin, pavarësisht fitores kundërshtari s’duhet poshtëruar

Kryetari i Bashkisë së Tiranës dhe drejtuesi politik i PS për këtë qark, Erion Veliaj në një delja me kandidatin për deputet të PS, Xhemal Qefalia e cilësoi pretendim të sajuar qëndrimin e PD se deri tani janë numëruar kuti të zonave me mbështetje të majtë.

Z. Veliaj tha se PS ka fituar Krrabën dhe Shën Gjergjin. “Kemi pasur një rezultat fantastik, më shumë se sa të gjitha partitë e tjera së bashku”, tha kryebashkiaku.

Ai foli edhe për ngecjen e procesit të numërimit të votave duke thënë se po ndërpritet qëllimisht. Erion Veliaj tha se në njësitë ku ka përfunduar numërimi, këta persona mund të ndihmojnë në zona ku ende vijon ky proces.

Drejtuesi politik i PS nga ana tjetër bëri thirrje që tashmë që rezultati i zgjedhjeve ka një fituar të qartë, tani lipset që të mos ketë poshtërim ndaj kundërshtarit pavarësisht fitores së merituar.

“Atyre që mendojnë ndryshe nga ne duhet t’u japim mesazhin që nuk jemi këtu për t’i poshtëruar, ne patjetër i mundim kur ka bëtaja si zgjedhjet por pas kësaj jemi aty për t’u shërbyer sidomos atyre”, përfundoi z. Veliaj.