Vendet e BE-së të ndara për të ndalur importin e energjisë ruse

Vendet anëtare të Bashkimit Evropian janë të përçara nëse do të ndalojnë apo jo importin e energjisë ruse pasi varësia e tyre nga Moska ndryshon nga njëri shtet në tjetrin.

Ministrat e Jashtëm të BE u takuan në Bruksel, por vendet anëtare nuk arritën të arrijnë të gjejnë konsensus mbi sanksionet kundër importeve të energjisë nga Rusia.

Ministrat e Jashtëm nga Lituania dhe Irlanda bënë thirrje për intensifikimin e sanksioneve kundër sektorit energjetik rus dhe përfshirjen e embargos ndaj naftës ruse në paketën e pestë të sanksioneve të bllokut.

Propozimi u refuzua nga Gjermania dhe Holanda, të cilat varen shumë nga importet e energjisë nga Rusia. BE-ja është shumë e varur nga energjia ruse.

Sipas zyrës statistikore të BE-së, Eurostat, Rusia përbën më shumë se 40 për qind të gazit natyror dhe 30 për qind të naftës së të importuar nga BE-ja.

Shefi i politikës së Jashtme të Bashkimit Evropian, Josep Borrell, u shpreh se unioni do të vazhdojë të “izolojë” Rusinë, ndërsa vendimet specifike do të merren më vonë.

Zëvendëskryeministri rus Alexander Novak u shpreh një ditë më parë se Evropa “nuk është në gjendje të jetë plotësisht e pavaraur nga energjia ruse”.

Sipas tij nëse blloku redukton importet e naftës ruse, çmimi i naftës do të rritet në 300 deri në 500 dollarë amerikanë për fuçi.

LEXONI GJITHASHTU:

• 10 mijë ushtarë rusë të vrarë sipas gazetës pro Kremlinit
• Ministrat e BE pritet të vendosin të tjera sanksione ndaj Rusisë