“Vendim i merituar”, Presidenti Begaj përshëndet heqjen e vizave për Kosovën

Vendim shumë të merituar e ka quajtur Presidenti Begaj vendimin e marrë këtë të enjte nga Këshilli i Ministrave të BE-së për heqjen e vizave të Kosovës.

Presidenti e ka përshëndetur këtë hap të ndërmarrë me anë të një postimi në faqen e tij në Facebook, duke bërë kështu edhe një urim që qytetarët e Kosovës të ndihen sa më shpejtë si gjithë qytetarët e tjerë të Ballkanit Perëndimor.

“Përshëndes hapin e rëndësishëm të ndërmarrë nga Këshilli i Bashkimit Evropian lidhur me lëvizjen e lirë, pa viza te qytetarëve të Kosovës ne hapësirën Shengen!

Uroj që ky proces të përmbyllet sa më shpejt dhe qytetarët e Kosovës të ndjehen njësoj si qytetarët e tjerë të Ballkanit Perëndimor!

Një vendim shumë i merituar!”