Veprat e Mid’hat Frashërit, ekspozohet biblioteka personale e rilindasit në Ditën Botërore të Librit

Në këtë letër të vitit 1928,  Mid’hat Frashëri apo i njohur ndryshe si Lumo Skëndo, i drejtohet një tjetër figure të shquar të Rilindjes Sotir Koleas, ku ngre një shqetësim; ruajtjen e librave të vjetër.

Mid’hat Frashëri, na ka lënë një pasuri të madhe, sepse në bibliotekën personale të tij, kishte vepra të rralla, si kjo e Papa Piut të Dytë e shkruar e tëra me dorë, e vitit 1473 e që mbetet vepra më e vjetër që ruhet në bibliotekë.

Apo këto ditarë që mbajnë të gjithë përshtypjet e udhëtimeve në Ballkan të studiuesit Franc Nopçe, që na rrëfejnë për jetën e zhvilluar në këto vendeve shumë kohë më parë.

Në këtë ekspozitë, vizitorët do të mund të kuptojnë, se ky njeri poliedrik, shfaqte një interes të gjerë për Historinë e Shqipërisë, formimit të shtetit, në bujqësi, ushtri, agronomi e po ashtu edhe një sërë librash që hedhin dritë mbi shtetet fqinje.

Një vepër po aq e veçantë në fondin e tij mbetet ajo që mban dokumentacionet për Shën Naumin, sot pjesë e Republikës së Maqedonisë së Veriut.

Por pikëpyetjes se si kanë mbërritur këto libra në Shqipëri, asnjë studiues nuk i ka dhënë përgjigje, përpos faktit se kjo ekspozite e çelur në Bibliotekën Kombëtare mbetet mënyra më e veçantë për të kremtuar Ditën Botërorë të Librit.