Veprat e para të Shekspirit dalin në ankand, 4 botimet do shiten për 6 mln dollarë
Një set i rrallë me katër botimet e para të veprave të përmbledhura të William Shakespeare pritet të shitet për një çmim marramendës deri në 4.5 milionë paund ose 6 milionë dollarë në një ankand të veçantë që do të mbahet muajin e ardhshëm.
Shtëpia e famshme e ankandeve njoftoi se shitja do të zhvillohet më 23 maj, ndërsa bëhet fjalë për Fletëpalosjen e Parë, të Dytë, të Tretë dhe të Katërt.
Sipas mediave të huaja, shtëpia e ankandeve e ka vlerësuar çmimin e shitjes nga 3.5 deri në 4.5 milionë paund, duke e cilësuar këtë vëllim si “pa dyshim botimi më i rëndësishëm në historinë e letërsisë angleze”.
Fletëpalosja e Parë u botua në vitin 1623 nga miqtë e Shekspirit, pas vdekjes së tij në 1616.
Ky botim përmbante 36 drama, nga të cilat rreth gjysma u shfaqën për herë të parë aty, përfshirë vepra ikonike si “Macbeth”, “The Tempest” dhe “Twelfth Night”.
Nga rreth 750 kopje të shtypura të Fletëpalosjes së Parë, besohet se vetëm 230 ekzistojnë ende sot, shumica në koleksione publike si muze, biblioteka dhe universitete.
Vetëm pak prej tyre ndodhen në duar private, dhe një prej këtyre u shit në vitin 2020 për 9.9 milionë dollarë. Suksesi i saj çoi në botimin e Fletëpalosjes së Dytë në vitin 1632, të Tretës në 1663 dhe të Katërtës në 1685, duke vulosur trashëgiminë e pavdekshme të Shekspirit në historinë botërore të letërsisë.
LEXONI GJITHASHTU:
Moti ekstrem, OBSH: Vala e të nxehtit në Europë është emergjencë shëndetësore
SHBA mobilizon ndihma për Venezuelën pas tërmeteve vdekjeprurëse
Numri i personave të raportuar të zhdukur pas tërmeteve shkatërrues në Venezuelë i kalon 25 mijë
- 19:50 Dita e 26-të e protestës në Tiranë, aktivistët dhe qytetarët nisin marshimin drejt Kryeministrisë
- 19:43 Parlamenti spanjoll i bën thirrje Sanchez të japë dorëheqjen për shkak të skandaleve të korrupsionit
- 19:43 Meteorologët: 2027-a pritet të jetë vit edhe më i nxehtë për shkak të El Nino-s, efektet ndihen dhe në Shqipëri
- 19:20 Vendimi për ish-krerët e UÇK-së do të merret brenda datës 20 korrik
- 19:14 Sot dita e 26-të e protestës në Tiranë, qytetarët mblidhen para Kryeministrisë
- 19:08 Moti ekstrem, OBSH: Vala e të nxehtit në Europë është emergjencë shëndetësore