‘Vera andrron detin’ në kinema, filmi mbi pabarazinë gjinore merr çmimin Golden Sun

Filmi kosovar ‘Vera andrron detin’ me skenar nga Doruntina Basha dhe regji të Kaltrina Krasniqit u shfaq premierë të shtunën për publikun.

Vera, një grua në moshë mesatare, detyrohet të ballafaqohet me realitetin e çështjeve gjinore me rrënjë të thella në shoqëri edhe në ditët e sotme.

Lufta e Verës për pronën familjare shpalos një ambient politik e kulturor të ndërtuar mbi pabarazitë, jo vetëm në Kosovë, por edhe globalisht.

Aktorët të cilët luajnë në film janë: Teuta Ajdini, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj etj.

Filmi “Vera andrron detin” është bashkëprodhim Kosovë, Maqedoni e Veriut dhe Shqipëri. Premierën Botërore e ka pasur në Festivalin e Venedikut në shtator të vitit 2021. Prej atëherë, është shfaqur në shumë festivale të rëndësishme botërore dhe ka fituar dhjetëra çmime.

Filmi ka rrëmbyer çmimin ‘Golden Sun’ për filmin më të mirë në edicionin e 21-të të Festivalit Evropian të Filmit Cinedays, në Shkup të Maqedonisë së Veriut.

LEXONI GJITHASHTU:

• Jennifer Lopez, vrasëse me pagesë në filmin e ri të Netflix
• Filmi shqiptar në ‘Oscar’, regjisori Koçi: Duhet mbështetje nga institucionet