Verifikim i fakteve për Donald Trump – Çfarë gaboi… dhe çfarë kishte të drejtë?

Donald Trump mbajti një fjalim 100-minutësh në Kongres – por shumë nga komentet e tij përfshinin informacione të rreme ose mashtruese.

Këtu verifikojmë disa nga pretendimet e tij.

AUTIZMI

“Nuk ka shumë kohë, dhe nuk mund t’i besoni këto shifra, por një në 10,000 fëmijë kishte autizëm. Një në 10,000, dhe tani është një në 36. Diçka nuk shkon”.

Është e vërtetë që një në 36 fëmijë diagnostikohet me autizëm.

Por rritja e fundit mund të lidhet me ndërgjegjësimin në rritje për këtë gjendje, ndryshimet në përkufizimin e autizmit dhe përparimet në teknologjinë diagnostikuese.

UKRAINA

Trump tha se Amerika ka shpenzuar më shumë për luftën në Ukrainë sesa Evropa.

Ndërsa SHBA-ja është vendi që ka dhënë ndihmën më të madhe për Ukrainën, Evropa si një e tërë ka alokuar më shumë fonde.

Sipas Institutit Kiel për Ekonominë Botërore…

• SHBA ka dhënë 94.6 miliardë paund
• Evropa ka dhënë 109 miliardë paund

KUFIRI

Sipas presidentit, 21 milionë njerëz “kanë hyrë në Shtetet e Bashkuara” gjatë katër viteve të fundit.

Të dhënat e Doganës dhe Mbrojtjes Kufitare sugjerojnë se administrata Biden ka regjistruar rreth 14 milionë “takime me emigrantë”.

TARIFAT

Donald Trump këmbënguli se tarifat e tij të diskutueshme “janë për ta bërë Amerikën përsëri të pasur”.

Shumica e ekonomistëve nuk pajtohen – dhe argumentojnë se tarifat do ta dëmtojnë vendin dhe ka të ngjarë të çojnë në rritjen e kostos së produkteve të përditshme.

LEXONI GJITHASHTU:

• Trump urdhëron CIA-n të ndalojë ndarjen e informacioneve sekrete me Ukrainën
• Gjykata e Lartë i kërkon Trump të kryejë pagesat për organizatat e huaja të ndihmave