Veshje patriarkale në “Miss Universe”

Miss Kosova, Roksana Ibrahimi, u paraqit në Miss Universe e mbuluar me shaminë e kuqe, e kësaj veshjeje i bashkangjiti edhe veprimin e ‘marrjes së dorës’, një traditë kjo e kohërave më të vjetra dhe me origjinë turke.

E përveç që mund të cilësohet si një veprim patriarkal, ky gjest mund të paraqesë edhe prezantim të traditave që ndonëse janë përdorur dikur në popullsi, i përkasin një kombi tjetër.

Ajo përmes një postimi në Instagram ka thënë se ky kostum është inspiruar nga dita kur “krushqit” marrin nusen nga shtëpia e vajzërisë për ta dërguar në shtëpinë e re, përkatësisht atë të burrit.

“Ky kostum është inspiruar nga dita kur “krushqit” vijnë ta marrin nusen nga shtëpia e vajzërisë për ta derguar në shtëpine e re, dhe nusja gjate kësaj kohe qëndron me shaminë në fytyrë  duke qarë dhe vajtuar që po lë shtëpinë e saj ku u formua si grua.

Perveç gruas vajton dhe e gjithë familja saj qe vajza e tyre po largohet nga ajo shtëpi, kurse ne familjen e dhëndrrit nuk qan askush por lumturohen”-ka thënë Ibrahimi në postimin e saj.

LEXONI GJITHASHTU: 

• Pensionistja: I kam trajnuar mikeshat e mia, kanë vështirësi me e-Albania
• Eksperti i IT-së: Mbi 80% e shqiptarëve e përdorin internetin