Veto ndaj rezolutës, Rusia pengon ndëshkimin e aneksimeve në Këshillin e Sigurimit

Rusia ka vendosur veton ndaj një rezolute të Këshillit të Sigurimit të prezantuar nga SHBA dhe Shqipëria, që dënonte aneksimin e territoreve ukrainase nga Moska.

Të gjitha vendet e tjera anëtare të përhershme votuan në favor të saj, veç Kinës që abstenoi. Pavarësisht refuzimit, rezultati tregon izolimin e mëtejshëm të Putin.

“Sërish, Rusia abuzoi me të drejtën e vetos për të mbrojtur veprimet e saj të paligjshme. Anëtarët e Këshillit votuan në mënyra të ndryshme, por një gjë është e qartë, asnjë prej tyre nuk njeh përpjekjet ilegale të Rusisë për të aneksuar territorin ukrainas”, u shpreh Barbara Woodward, ambasadore e Britanisë në OKB.

“Ne jemi lodhur së përsërituri vazhdimisht; lejimi i Rusisë të ushtrojë të drejtën e vetos së Bashkimit Sovjetik i pengon Këshillit të Sigurimit të ushtrojë përgjegjësinë primare nën statutin e OKB-së, që është ruajtja e paqes dhe sigurisë ndërkombëtare”, tha Sergiy Kyslytsa, ambasador i Ukrainës në OKB.

Ndërkohë, presidenti Joe Biden përsëriti se Perëndimi mbetet i bashkuar në mbështetje të Ukrainës.

“Amerika dhe aleatët e saj, më lejoni ta theksoj këtë, nuk do të tremben nga Putin dhe kërcënimet e tij të papërgjegjshme”, thesoi ai.

Më herët, grupimi G7 dënoi bashkarisht aneksimin e 4 rajoneve ukrainase nga Rusia.

LEXONI GJITHASHTU

• Biden paralajmëron Putinin: Kërcënimet e pamatura nuk e trembin SHBA dhe aleatët
• Putin shpall aneksimin, Zelenski kërkon anëtarësimin e përshpejtuar në NATO
• Putin firmos aneksimin e 4 rajoneve të Ukrainës