Vettingu i policëve i kalon AMP, Salianji: Presion për zgjedhjet lokale

Shkaktoi debate të forta në komisionin e sigurisë, projektligji për t’I kaluar vettigun e policisë së shtetit, Autoritetit të Mbikëqyrjes policore që aktualisht drejtohet nga Ardi Veliu.

Deputeti i Partisë Demokratike Ervin Salianji e ka cilësuar fyerje për efektivët e policisë që të testohen dhe vlerësohen profesionalisht nga ish-Drejtori i policisë së shtetit.

“Nuk mund ta kalojmë ne ligjin që jep një analfabet funksional që fyen çdo qytetar shqiptar. Duhet të  ndihmojmë atë që të kalojë vettingun, klasën. Do i jap abetare që të mësojë shkrim. E vetmja gjë që di të bëjë është të manipulojë ngjarje kriminale”

Deputeti demokrat ngriti shqetësimin e gjendjes aktuale të policisë së shtetit, drejtuesit e të cilit sipas tij janë në shërbim të politikës dhe grupeve kriminale.

“Eskortim  nga ana e punonjësve të policisë të njerëzve apo të grupeve kryesore në këtë vend, por drejtuesit shërbejnë vetëm për interesa politike dhe mbajnë kontakte me krimin e organizua. Kryesori i damkosur në këtë vend është Ardi Veliu.”- tha ai.

Sipas Salianjit, me këtë ligj mazhoranca po kërkon të ketë në kontroll policinë e shtetit, të cilën e mban në presion për vjedhje votash.

“Ligji vettingut në pothuajse 5 vite ka ndryshuar plotësisht duke kaluar në filtra asnjë100 punonjës të policisë së shtetit. Ky ligj po vjen që ju të kontrolloni parazgjedhjeve punonjësit e policisë dhe t’i vendosni nën presion? Nëse përdorni policinë e shtetit për të vjedhur votat, do ju thyhen hundët,

Projektligji kaloi me votat e socialistëve të cilët deklaruan në filtër do të kalojnë të gjithë edhe të efektivët që do të kërkojnë detyra më të larta në këtë sektor.

LEXONI GJITHASHTU: 

• Investimet në sektorin e energjisë, Balluku: Ndërprerja s’është opsion
• Bordi i Transparencës ndryshon çmimet e karburanteve, sa do shitet nafta e benzina