VIDEO/ Akrobacitë e pabesueshme ndezin paradën e Ditës së Republikës në Indi

Akrobacitë gjatë paradës ushtarake të Ditës së Republikës së Indisë po bëhen pothuajse një traditë tërheqëse.

Sot në New Delhi, qindra mijëra spektatorë ndoqën me admirim motoçiklistët që formonin piramida me nga pesë e gjashtë persona mbi një motoçikletë me dy rrota. Disa prej tyre kërcenin nga një biçikletë në tjetrën, ndërsa të tjerë qëndronin mbi shalë pa prekur timonin, duke treguar aftësi të jashtëzakonshme dhe guxim.

Të ftuar nderi këtë vit ishin Presidentja e Komisionit Evropian, Ursula von der Leyen, dhe Presidenti i Këshillit Evropian, Antonio Costa. Vizita e tyre bie në një kohë kur negociatat për një marrëveshje të madhe tregtare midis Indisë dhe Bashkimit Evropian janë ende në zhvillim.