VIDEO/ Demokratët e Shkodrës i bashkohen protestës

Partia Demokratike me anë të një deklarate disa minuta para orarit zyrtar për protestën, ka njoftuar se tubimit të sotëm do i bashkohen mijëra qytetarë nga gjithë Shqipëria, ndërsa kanë ndarë dhe pamjet e qytetarëve nga Shkodra, të cilët janë nisur drejt Tiranës.

Këtë të shtunë, në orën 16:00 do të mbahet protesta kombëtare e opozitës para Kryeministrisë.

Për mbarëvajtjen e protestës, do të jenë në gatishmëri rreth 1000 efektivë policie, teksa disa akse rrugore do të jenë të mbyllura që prej orës 15:00.

Kryetari i Partisë Demokratike, Sali Berisha dhe funksionarë të tjerë demokratë, nuk kanë përjashtuar asnjë lloj skenari për protestën e sotme.

LEXONI GJITHASHTU:

• Foto/ Blindohet Kryeministria, efektivët e policisë rrethojnë godinën
• Protesta e 12 nëntorit, Berisha mbërrin në seli
• ‘Të gjithë në protestë’, Berisha: Sot është ora e shqiptarëve