VIDEO| Fëmijë që qajnë dhe të frikësuar, avioni ulet në aeroport me derën hapur

Një person është arrestuar pasi hapi derën e emergjencës së një avioni komercial të Asiana Airlines teksa avioni po ulej në Korenë e Jugut.

Të gjithë pasagjerët mundën të mbijetonin pa lëndime të rënda dhe avioni arriti të ulej me derën e hapur në Aeroportin Ndërkombëtar Daegu.

Disa pasagjerë patën probleme me frymëmarrjen dhe u dërguan në spital, raportuan mediat lokale.

Burri, rreth të 30-ave, u arrestua pas uljes, tha agjencia e lajmeve Yonhap.

Fluturimi OZ8124 ishte nisur nga ishulli Jeju të premten në mëngjes me kohën lokale dhe pritej të ulej në orën 15:45 në Aeroportin Ndërkombëtar Daegu.

Një video e pasagjerëve e shpërndarë në mediat sociale tregon dinamikën e ngjarjes dhe ankthin e përjetuar nga pasagjerët të cilët goditeshin nga era e fortë.

Në avion ishin dhe shumë fëmijë të cilët po udhëtonin për të parë një ndeshje sportive.

Prindi i njërit prej nxënësve i tha Yonhap: “Fëmijët po dridheshin, qanin dhe ishin të frikësuar”.

Asiana Airlines tha se policia ka nisur një hetim të plotë në lidhje me ngjarjen.

Door of Asiana Airlines plane opens in mid-air just before landing in South Korea; 9 people taken to hospital with breathing difficulties pic.twitter.com/rUI6LTRihj

— BNO News (@BNONews) May 26, 2023