VIDEO/ Humbi nënën gjatë sulmeve, 11-vjeçari ukrainas përlot Parlamentin Evropian

Historia e 11-vjeçarit ukrainas, Roman Oleksiyev ka prekur ndjekësi e mediave sociale pasi një video e tij e rrëfimit të jetës së tij në luftë është bërë virale. I mituri ka prekur edhe personat e pranishëm në Parlamentin Evropian teksa tregoi për sulmin që i ndryshoi jetën.

Në këtë sulm ai humbi nënën e tij dhe pësoi plagë të rënda në trup të cilat edhe pas 3 vitesh i ka ende shenjat e saj.

“Ishte hera e fundit që e pashë nënën time dhe munda t’i thoja lamtumirë” , tha Roman gjatë një prezantimi të një dokumentari për fëmijët e Ukrainës në Parlamentin Evropian, në Strasburg.

Përkthyesja, e ngarkuar emocionalisht, nuk mundi të vazhdonte, kështu që kolegu i saj ndërhyri dhe vazhdoi përkthimin.

“Ajo ishte nën rrënoja, mund t’i shihja flokët dhe arrita t’i prekja dhe t’i thoja lamtumirë”, vazhdon Roman.

“Dua të them se kur jemi bashkë, jemi të fortë. Dhe nuk duhet të dorëzohemi kurrë. Duhet të vazhdojmë t’i ndihmojmë fëmijët e Ukrainës”, tha ai.

Roman u plagos më 14 korriku 2022, kur një sulm me raketa ruse në qendër të Vinicës vrau 27 persona, përfshirë tre fëmijë. Sulmi plagosi më shumë se 200 të tjerë.

Romani, i cili kishte shkuar te mjeku me nënën e tij, ishte i vetmi që mbijetoi. Ai pësoi djegie të rënda dhe qëndroi në njësinë e kujdesit intensiv të një klinike gjermane për 99 ditë. Deri më sot, ai i është nënshtruar 36 operacioneve, ndërsa rruga drejt shërimit të plotë mbetet e gjatë.

11-vjeçari jeton me të atin, Jaroslavin në Lviv dhe vazhdon të luajë fizarmonikë dhe të marrë pjesë në gara vallëzimi. Historia e tij frymëzoi dokumentarin “Romchyk”.

💔 Interpreter breaks down in the European Parliament while translating for 11-year-old Ukrainian boy

The child, who was badly injured, recalled how he and his mother came under a Russian strike in Vinnytsia.

“It was the last time I saw my mother and could say goodbye to her,”… pic.twitter.com/HeB9DIUzrG

— NEXTA (@nexta_tv) December 11, 2025

LEXONI GJITHASHTU:

• Putin takim nesër me Erdogan në Turkmenistan
• Meksika miraton tarifa deri në 50% ndaj Kinës dhe vendeve të tjera