VIDEO | Kanabis në parcelat e Peqinit, arrestohen vëllezërit dhe bashkëpunëtori

Policia në Peqin ka arrestuar 3 persona për kultivim kanabisi.

Në prangat e policisë kanë rënë dy vëllezërit, Nj. S., 36 vjeç dhe G. S, 45 vjeç si dhe personi me iniciale M. S, 47 vjeç.

Mësohet se në fshatin Garunjë të tre të arrestuarit kishin mbjellë kanabis në parcela, të cilët u asgjësuan me anë të djegies.

Gjatë kontrollit në banesën e 2 vëllezërve, Policia ka sekuestruar 2 armë gjahu, një sasi municioni luftarak, 1 palë dylbi, 2 radio marrëse-dhënëse, 1 thikë, 1 automjet, dhe 3 aparate celuare.

Gjithashtu është proceduar në gjendje të lirë, për veprën penale “Shpërdorimi i detyrës”, shtetasi H. M., me detyrë kryetar i fshatit Garunjë e Madhe, Peqin.