VIDEO/ Katër të vdekur nga rrëzimi i një aeroplani në Meksikë

Katër persona humbën jetën, të enjten, kur një aeroplan i vogël u rrëzua në një zonë rurale në shtetin e Puebla, në Meksikën qendrore, njoftuan autoritetet lokale.

Aksidenti ndodhi rreth mesditës kur aeroplani me një motor u rrëzua në fusha menjëherë pas ngritjes nga aeroporti ndërkombëtar në Puebla, sipas sekretariatit shtetëror të Sigurisë.

Piloti u përpoq të manovronte, por avioni “u zhyt”, tha për AFP-në Vicente Hernandez, një banor i zonës i cili pretendoi të ishte dëshmitar okular.

Avioni me katër vende ishte i destinuar për qytetin e Posa Rikës, në shtetin e Veracruz.

“Tre persona u gjetën të vdekur në vend”, një tjetër u gjet “i plagosur” dhe u dërgua në spital “për të marrë kujdes mjekësor”, raportoi sekretariati i Ministrisë së Brendshme në Puebla, përpara se të njoftonte vdekjen e viktimës së katërt disa orë më vonë.