Të paktën tetë qytetarë u lënduan pas rënies së zjarrit në garazhin e një pallati në zonën e Astirit, ku u përfshinë nga flakët 4 automjete.

Euronews Albania ka siguruar pamje nga momenti i evakuimit të familjeve nga pallati, ku shihet se ata evakuohen duke përdorur shkallët e zjarrëfikses.

Për shkak të flakëve, pallati dhe zona përreth saj u mbulua nga tymi.

Ngjarja ka ndodhur në orët e para të mëngjesit të sotëm në rrugën “Aleksandri i Maqedonisë”, ku të lënduar kanë mbetur  shtetasit: A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç.

Ata kanë marrë ndihmën e parë mjekësore në spital dhe më pas janë larguar.

Grupi hetimor po punon për sqarimin e rrethanave të ngjarjes dhe sipas kqyrjes paraprake, dyshohet se zjarri ka qenë i qëllimshëm.

Ndërsa, në vengjarje kanë shkuar edhe specialiste të njësisë anti-eksploziv, pasi nuk përjashtohet mundësia që të jetë vendosur një sasi tritoli.

LEXONI GJITHASHTU

• VIDEO l 8 të lënduar nga zjarri në Tiranë, digjen 4 automjete
• VIDEO l Tritol makinës në rrugën Sauk-TEG, humb jetën 27-vjeçari

• 17 shpërthime me tritol brenda 5 muajsh, në shënjestër edhe policë