VIDEO| Misteri i 22-grave të vrara, Interpol nis fushatën për identifikimin e tyre

Interpoli po fillon një fushatë për të identifikuar 22 gra, eshtrat e të cilave u gjetën në Gjermani, Holandë dhe Belgjikë gjatë disa viteve.

Shumica dyshohet se janë të ashtuquajturat viktimat e  vrasjeve të ‘rastit të ftohtë’ dhe disa të trafikuara ndoshta nga Evropa Lindore. Interpoli ka angazhuar  edhe njerëz të famshëm nga disa shtete për të promovuar fushatën e tij.

Viktimat u varrosën në varre të cekëta ose të improvizuara. Besohet se ato mund të jenë transportuar në këto vende për të vështirësuar hetimin . Agjencia ndërkombëtare shpreson që publikimi i imazheve të grave dhe asaj që dihet për to do të shkaktojë  reagim te publiku.

Operacioni “Identify Me” është hera e parë që bëhet publik – zakonisht i kufizuar mes forcave policore partnere. Oficerët kanë mostra të ADN-së për shumicën e grave, kështu që identiteti i tyre mund të përcaktohet përmes krahasimit, nëse shfaqen të afërmit. Interpoli thotë se përcaktimi i identitetit të viktimave mund të çojë përfundimisht në arrestimin e të dyshuarve.