VIDEO| Një avion përplaset në linjat e energjisë, 120 mijë njerëz në errësirë

Një aeroplan i vogël privat u përplas me linjat e tensionit të lartë rreth 50 kilometra në veri të Uashingtonit të dielën, duke çuar në një ndërprerje masive të energjisë në zonë.

Shërbimet e shpëtimit punuan gjatë natës në përpjekje për të shpëtuar dy persona të bllokuar brenda avionit, i cili ishte ende i ngatërruar në kabllo, raportoi Reuters.

Rrëzimi i avionit në linjat e transmetimit të tensionit të lartë shkaktoi një ndërprerje të energjisë për mbi 120 mijë konsumatorë, sipas një deklarate nga Pepco, një kompani e shërbimeve nga Uashingtoni.

A small plane with two people onboard slammed into a power transmission line in Gaithersburg, Maryland, on Sunday, the FAA and local authorities said. The plane’s occupants were unhurt but left stranded 100 feet off the ground. pic.twitter.com/whVLA6MFss

— NBC4 Washington (@nbcwashington) November 28, 2022

Aeroplani u rrëzua rreth orës 17:30 sipas kohës lokale në Montgomery Village, Maryland, në kushtet e mjegullës dhe lagështisë së shtuar të ajrit, sipas Shërbimit të Shpëtimit të Maryland.

Rrugët lokale janë të mbyllura, dhe shumë semaforë në zonë janë jashtë shërbimit.