VIDEO| Pamjet e aksidentit në Klos, automjeti me dy të rinjtë përfundon në përrua

Euronews Albania, ka sigurar videon e aksidentit të rëndë të ndodhur në Klos mëngjesin e kësaj të mërkure.

Siç shihet dhe nga pamjet e mëposhtme, foristrada me të cilin lëviznin dy të rinjtë ka dalë nga Rruga e Kombit dhe ka përfunduar në një përrua në fshatin Shkallë të Klosit.

Për pasojë ka mbetur i plagosur shtetasi K.R., 20 vjeç,  drejtuesi i mjetit si dhe pasagjeri me inicialet K.K.

Shkak i aksidentit është bërë humbja e kontrollit mbi drejtimin e mjetit nga 20-vjeçari.

Dy të rinjtë janë transportuar me urgjencë në spital, ku po marrin kujdesin e nevojshëm mjekësor jashtë rrezikut për jetën.

Grupi hetimor po kryen hetimet në vendngjarje, për zbardhjen e shkaqeve të aksidentit.