VIDEO/ Përplasen tre makina në aksin rrugor Korçë-Maliq, plagoset një person

Një aksident është regjistruar pak orë më parë në aksin rrugor Korçë-Maliq, në afërsi të kryqëzimit të fshatit Lumalas.

Mësohet se dy automjete janë përplasur me njëra-tjetrën kokë më kokë, ndërsa raportohet për të plagosur.

Sipas pamjeve, njëri prej mjeteve që lëvizte nga Korça në drejtim të Maliqit ka goditur mjetin i cili lëvizte para tij, ndërkohë që mjeti i tretë është përfshirë në aksidentin e dy mjeteve të para.

Nga ky aksident ka mbetur i plagosur njëri nga drejtuesit e mjeteve i cili ndodhet në spitalin e Korçës, në kujdesin e mjekëve por jashtë rrezikut për jetën.

“Më datë 18.03.2026, rreth orës 13:30, në aksin rrugor “Korçë-Maliq”, pranë fshatit Lumalas, Korçë, automjeti me drejtues shtetasin K. G., është përplasur me automjetin me drejtues shtetasin K. Ç., i cili për pasojë, është lënduar dhe u dërgua për mjekim në spitalin e Korçës.

Me drejtuesin tjetër, shtetasin K. G., po kryhen veprimet e mëtejshme procedurale.

Grupi hetimor po punon për sqarimin e rrethanave dhe përcaktimin e shkakut të aksidentit”, thuhet në njoftimin e policisë.