VIDEO/ SHBA vijon bombardimet në Paqësor: Dy të vrarë në sulmin ndaj një motoskafi të dyshuar për drogë

Forcat e armatosura amerikane nisën të enjten, një bombardim të ri në Oqeanin Paqësor lindor, kundër një motoskafi që sipas tyre po transportonte drogë, duke vrarë dy persona, njoftoi komanda e përbashkët përgjegjëse për Amerikën e Jugut, SOUTHCOM, “komandë jugore”.

Me këtë goditje të re, të njoftuar nëpërmjet X, numri i të vdekurve arrin të paktën në 128 dhe numri i anijeve të shkatërruara që nga shtatori, kur filloi fushata amerikane e bombardimeve kundër anijeve që Uashingtoni tha se u përkisnin trafikantëve të drogës.

Ky është bombardimi i dytë i këtij lloji që raportohet deri më tani këtë vit, pas një të mëparshmi më 23 janar, gjithashtu në Paqësor.

Administrata e Donald Trump, e cila urdhëroi mbi tridhjetë operacione të tilla në total, nuk ka paraqitur kurrë prova se anijet e synuara ishin të përfshira në ndonjë kontrabandë.

Ligjshmëria e kësaj fushate, e cila zyrtarisht të paktën synon kartelet që trafikojnë drogë të destinuara për tregun amerikan, po vihet në pikëpyetje dhe po shkakton kritika të forta si në nivel ndërkombëtar ashtu edhe në skenën politike amerikane.

Ekspertët dhe zyrtarët e OKB-së i shohin këto bombardime si “ekzekutime jashtëgjyqësore”.