VIDEO/ Makina i përplasi para derës së kopshtit, shpëtojnë mrekullisht nëna dhe 2 fëmijët në SHBA

Një nënë dhe dy fëmijët e saj në New Jersey shpëtuan mrekullisht pasi u përplasën nga një makinë teksa po dilnin nga kopshti.

Një video e publikuar e kapur nga kamerat të sigurisë së kopshtit tregon momentin kur Patrice Pisani del nga dera e kopshtit me dy djemtë e saj. Papritmas një makinë me shpejtësi të lartë vjen në drejtimin e tyre teksa nëna tenton të tërheqë fëmijët.

Nëna arriti të nxirrte njërin nga djemtë nga rruga disa sekonda para se makina të përplasej me një shtyllë. Më pas makina goditi nënën dhe fëmijën e saj më të madh në pjesën e pasme, duke bërë që ata të binin në tokë.

Djali më i vogël pësoi djegie në këmbë, nëna e tij u godit në shpinë dhe qafë, ndërsa djali më i madh pësoi lëndime të lehta. Shoferja 68-vjeçare, Angela Arrigo u arrestua dhe akuzohet për drejtim mjeti nën ndikimin e alkoolit dhe rrezikim të mirëqenies së një fëmije.