VIDEO/Shpërthen në flakë anija cisternë në Indonezi, 10 të vdekur dhe 21 të plagosur

Një anije cisternë e cila ndodhej në një kantier detar në Indonezinë perëndimore për riparime, shpërtheu në flakë të mërkurën. Nga shpërthimi humbën jetën 10 persona dhe u plagosën 21 të tjerë.

Sipas shefit të policisë, Zaenal Arifin flakët shpërthyen nga një anije rreth orës 04:30 të mëngjesit, duke shtuar se zjarri u shua një orë më vonë. Anija cisternë po i nënshtrohej riparimeve në një kantier detar në Batam, një ishull pranë Singaporit.

Një zjarr shpërtheu në të njëjtën anije në qershor, duke vrarë katër persona. Më pas u përcaktua se aksidenti ishte shkaktuar nga shkëndijat dhe gazi natyror që që nuk ishte zbrazur plotësisht nga cisterna.

‼️At least 10 workers were killed and 18 were injured in an #explosion on a tanker at a ship repair yard in the Indonesian city of #Batam. #Indonesia pic.twitter.com/rxoFODgApA

— News.Az (@news_az) October 15, 2025