VIDEO/ Shpërthim pranë Xhamisë Al-Aksa, raketa iraniane godet Jerusalemin e Vjetër

20 Mars 2026 | 16:36

Një shpërthim ndodhi të premten pranë Murit Perëndimor dhe Xhamisë Al-Aksa, kur një raketë iraniane goditi Lagjen Hebraike në Qytetin e Vjetër të Jerusalemit.

Pamjet video nga zona tregojnë momentin kur një fragment i një rakete balistike iraniane goditi qytetin, duke dëmtuar një parking në lagje, rreth 350 metra larg nga Mali i Tempullit.

Sipas zëdhënësit të Forcave të Mbrojtjes Izraelite, raketa u rrëzua para se të arrinte në objektiv, por fragmente të saj ranë dhe shkaktuan dëme në vendngjarje. Incidenti ndodhi rreth 400 metra larg Murit Perëndimor dhe kompleksit të Xhamisë Al-Aksa, në zonën e Malit të Tempullit.

Shërbimet mjekësore nuk raportuan viktima nga sulmi, megjithëse dëmet mbeten të konsiderueshme në zonën e parkingut. Nga ana e saj, Irani nuk ka bërë një deklaratë zyrtare lidhur me sulmin.

“Regjimi iranian dëshmon edhe një herë se po qëllon pa dallim – qoftë në zona civile apo në vende të shenjta – të gjitha me qëllim shkatërrimin e Izrael”, tha IDF në një postim, duke ndarë edhe një foto nga vendi i ngjarjes.

“Ajo që shihni këtu është rezultat i raketave iraniane. Qyteti i Vjetër në Jerusalem, pikërisht pranë Malit të Tempullit, u godit nga fragmente raketash iraniane”, theksojnë ata.

https://twitter.com/i/status/2035007837248921822
Home Kryefaqja
Shiko në: YouTube
Lajme të Sugjeruara

“Ka njerëz gjallë atje”, dëshmitë rrëqethëse nga zonat e goditura nga tërmeti në Venezuelë

Shumë banorë e kaluan natën në rrugë ose duke kërkuar familjarët e tyre në Catia La Mar, në shtetin La Guaira, një nga zonat që...
16:14 | 25/06/2026

“Mendova se do të vdisja’ – Venezuelianët përshkruajnë panikun e tërmetit, familjet ende kërkojnë të mbijetuarit

Mbi 160 persona kanë humbur jetën dhe qindra të tjerë janë plagosur pas dy tërmeteve të fuqishme që goditën Venezuelën të mërkurën në mbrëmje, duke...
16:04 | 25/06/2026

Rusia sërish kundër Evropës, Zakharova: Vendet evropiane po pengojnë arritjen e paqes në Ukrainë

Zëdhënësja e Ministrisë së Jashtme të Rusisë, Maria Zakharova, deklaroi se vendet evropiane po kontribuojnë në vazhdimin e konfliktit në Ukrainë përmes ndihmës së tyre...
15:50 | 25/06/2026