VIDEO| Skandal në Turqi, arbitri qëllohet me grusht, pezullohet Superliga

Superliga turke është pezullaur deri në një afat të pacaktuar, me një vendim të ardhur për shkak të dhunës. Përballja Ankaragucu-Rizespor u shoqërua me përplasje në fushë, ndërsa shënjestër ishte gjyqtari i takimit Halil Umut Meler.

Ky i fundit u godit me grushta e shkelma nga presidenti i skuadrës Ankaragucu Faruk Koca, ndërsa u largu nga fusha i gjakosur dhe më fytyrën e enjtur. Ndërhyrja e punonjësve të sigurisë dhe stafet e skuadrave solli qetësimin e situatës.

Shkak i incidentit në fjalë u bë anulimi i golit të parë të ekipit vendas, por edhe vendimet e mëpasshme të kontestuara prej tyre. Ndeshja u mbyll në shifrat 1-1, me Ankaragucu që shënoi e para, ndërsa Rizespor barazoi në limitet e shtesës së akorduar në fund të përballjes.

Kur u duk se gjithçka do të mbyllej aty dhe po i jepej dora gjyqtarit nisi dhuna. Policia turke bën me dije se 3 persona janë arrrestuar për rastin në fjalë, njëri prej tyre Faruk Koca, presidenti i ekipit Ankaragucu. Reagime për rastin kanë qenë të shumta, mes tyre presidenti Erdogan dhe kreu i FIFA Gianni Infantino.

President of Turkish Football League side Ankaragucu punches referee in the eye at the end of a league game. All Turkish league games have been suspended indefinitely. pic.twitter.com/49YygLJfdi

— Harry 🎅 (@harrizone98) December 12, 2023