VIDEO/ Të shtëna me armë brenda një fushe hokeji në SHBA, tre të vdekur dhe disa të plagosur

Të paktën dy persona u vranë dhe tre të tjerë u plagosën të hënën, kur dikush hapi zjarr brenda një piste hokeji në akull në Pawtucket, në shtetin amerikan të Rhode Island, në mes të një ndeshjeje hokeji për të rinj, përpara se të vritej edhe vetë, njoftuan autoritetet lokale.

“Kemi të paktën tre persona të vdekur”, përfshirë të dyshuarin, tha shefja e policisë së Patuxent, Tina Gonsalves, gjatë një konference për shtyp.

Tre të plagosurit, të cilët u dërguan në spital, janë në “gjendje kritike”, shtoi shefi i policisë.

Provat fillestare të mbledhura nga policia tregojnë se ishte një veprim i synuar, i cili mund të ketë qenë i lidhur me një “mosmarrëveshje familjare”, sipas Gonçalves.

Pamjet që qarkullojnë në mediat sociale tregojnë lojtarë dhe spektatorë që nxitojnë të fshihen ndërsa të shtënat e njëpasnjëshme dëgjohen në stadium.

Shtetet e Bashkuara kanë shkallën më të lartë të vdekjeve nga armët midis vendeve të zhvilluara.

Në vitin 2024, mbi 16,000 njerëz, pa llogaritur vetëvrasjet, u vranë nga të shtënat me armë zjarri, sipas Arkivit të Dhunës me Armë.