VIDEO/ Tre të vdekur në një sulm ajror amerikan ndaj një motoskafi në Paqësor

Forcat amerikane nisën një sulm ajror ndaj një motoskafi në Paqësorin lindor të premten, i cili dyshohet se ishte i përfshirë në trafik droge. Si pasojë e sulmi janë vrarë tre persona në bord, sipas një deklarate nga Komanda Amerikane e Amerikës Latine dhe Karaibeve.

Komanda Jugore e Shteteve të Bashkuara, SOUTHCOM tha se motoskafi ishte i përfshirë në operacione të trafikut të drogës dhe se tre narko-terroristë u vranë në sulm.

Njoftimi ndau gjithashtu një video që dyshohet se kap momentin e sulmit ndaj anijes në fjalë në Paqësorin lindor.

Nuk u dhanë detaje të mëtejshme rreth identitetit të viktimave ose vendit të origjinës së anijes.
 Sipas të dhënave nga SOUTHCOM, që nga shtatori i kaluar SHBA-të kanë kryer më shumë se 40 sulme ndaj anijeve që dyshohet se trafikojnë drogë në Karaibe dhe Paqësor.

Numri i të vdekurve në këto operacione është të paktën 147. Megjithatë, Uashingtoni ende nuk ka paraqitur prova për të vërtetuar se të gjitha anijet e goditura ishin në të vërtetë të përfshira në aktivitete të paligjshme, gjë që ka ngritur pyetje në lidhje me fushëveprimin dhe kuadrin ligjor të këtyre operacioneve ushtarake.