Gjashtë makina dhe një motor që dyshohet se janë vjedhur nga vendet e BE, janë sekuestruar ditën e sotme në Tiranë.
Policia bën me dije se një person është arrestuar, tre të tjerë janë proceduar penalisht dhe 5 bashkëpunëtorët e tyre janë shpallur në kërkim pasi akuzohen se trafikonin dhe tregtonin mjete të vjedhura në vendet e BE-së,
Në kuadër operacionit “Luxury” u arrestua në flagrancë personi K. B., 52 vjeç, si dhe nisi procedimi penal në gjendje të lirë penalisht ndaj personave K. T., 26 vjeç, D. P., 46 vjeç dhe E. K., 27 vjeç.
Gjithashtu, u shpallën në kërkim shtetasit R. SH., 29 vjeç, I. G., 32 vjeç, V. P., 25 vjeç, I. H., 34 vjeç dhe U. B., 44 vjeç.
Nga veprimet hetimore personat lartpërmendur kanë bërë ndërhyrje në automjetet e trafikuara, duke modifikuar numrat e shasisë apo paketat elektronike.
Më pas automjetet i kanë shitur te persona të ndryshëm.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
LEXONI GJITHASHTU:
