Vijojnë shifrat e larta në rajon, rriten fatalitetet në Shqipëri, Kosovë e RMV, spitalet në limite

Vijon të jetë e rënduar situata e COVID-19 në vendin tonë.

Në përditësimin e fundit të Ministrisë së Shëndetësisë raportohen 532 raste të reja dhe 7 humbje jete në 24 orët e fundit në Shqipëri.

Tirana vijon të jetë qyteti më i prekur me 191 raste vetëm në ditën e sotme.

Aktualisht në 3 spitalet COVID po trajtohen 389 pacientë, 16 në terapi intensive, nga të cilët 4 të intubuar.

Ndërkohë që situata problematike paraqitet edhe në Kosovë teksa në përditësimin e fundit janë raportuar 765 raste të reja me COVID-19 .

I lartë edhe numri i viktimave pasi 11 persona nuk mundën t’i mbijetojnë coronavirusit.

Situatë e rënduar paraqitet gjithashtu edhe në Maqedoninë e Veriut. Gjatë 24 orëve të fundit u raportuan mbi 1000 persona të infektuar ndërkohë që 18 persona kanë humbur jetën.

Lexoni gjithashtu:

7 viktima dhe 532 raste të reja nga COVID-19 në Shqipëri, rekord pacientësh të shtruar në spital

11 viktima dhe 765 raste të reja me COVID-19 në Kosovë