Vijon aksioni për ndërtimet pa leje? Manastirliu përgjigjet për Euronews Albania

Ministrja e Shëndetësisë Ogerta Manastirliu pas mbledhjes së qeverisë deklaroi se synimi i aksionit të qeverisë për ndërtimet pa leje është për të dekurajuar këtë fenomen në vend.

Ministrja sqaroi se asnjëherë nuk ndërhyhet në vendimet e organeve ligjzbatuese.

Gazetarja Eksiola Shehu: Çfarë po ndodh më këtë aksion a është ndërprerë? A ka një marrëveshje mes qeverisë dhe pronarëve të dy objekteve që janë sekuestruar?

Ministrja Manastirliu: Duhet të kuptojmë diçka më shumë rëndësi. Ne nuk kemi ndërhyrë dhe nuk do ta bëjmë asnjëherë të ndërhyjmë në vendimet e organeve ligjzbatuese, organeve kompetente. Ky është një vendim i qeverisë ka për synim thelbësor dekurajimin e ndërtimeve pa leje në Republikën e Shqipërisë.

Aksioni për ndërtimet pa leje

Pak javë më parë, qeveria nisi me bujë aksionin për konfiskimin e pallateve dhe kateve shtesë pa leje.

Euronews Albania ka identifikuar se janë rreth 30 ndërtime abuzive në tejkalim të lejeve të miratuara, në periferi, por edhe brenda vijës së verdhë të kryeqytetit. Për dy prej tyre dolën vetë ministrat e kabinetit në terren, po me 28 të tjerët çfarë po bëhet?

LEXONI GJITHASHTU:

• Ku ngeci konfiskimi i pallateve pa leje? Qeveria bie në heshtje pas aksionit 3-ditor
• Rama: Pallatet pa leje të milionerëve do konfiskohen, shkojnë për strehim social