Televizioni shtetëror rus ka treguar qytetarë nga rajoni i Kurskut që largohen si pasojë e inkursionit të Ukrainës, vendi që pushtoi në fillim të vitit 2022.

Moska shpalli një emergjencë në nivel federal në rajon pak ditë pasi disa qindra trupa ukrainase vërshuan përtej kufirit në atë që konsiderohet sulmi më i madh i Kievit në tokën ruse që nga nisja e konfliktit.

Luftimet në Kursk kanë tërhequr vëmendjen e medias ruse. Pamje të publikuara tregojnë fëmijë që merren në streha, ose në autobusë, si dhe njerëz nga rajonet e tjera që kanë mbledhur ushqim, veshmbathje dhe medikamente për t’i dërguar në Kursk.

Nga ana e tyre, trupat ruse bombarduan një qendër tregtare në Donjeck të Ukrainës, duke shkaktuar rënien e një zjarri. Të paktën 12 persona kanë vdekur dhe 44 të tjerë janë plagosur nga sulmi.

Zyrtarët e rajonit e cilësuan ngjarjen një “sulm të organizuar” ndaj një vendi të populluar dhe një “akt terrori” nga forcat ruse.

LEXONI GJITHASHTU:

• Inkursioni i Ukrainës brenda territorit rus, Medvedev bën thirrjen e fortë
• Ukraina nis sulmin brenda territorit të Rusisë, shpallet gjendja e jashtëzakonshme