Zbardhet vrasja e 33-vjeçarit Ramazan Mataj në fshatin Dragoç të Shkodrës. Policia ka arrestuar dy vëllezër si autorët e dyshuar të krimit të rëndë, shtetasit Arjon dhe Klisman Hasaj.
Por si ndodhi ngjarja?
Viktima kishte pak kohë që ishte kthyer nga Belgjika dhe dyshohet se kishte krijuar kontakte me njërën prej motrave të autorëve, e cila rezulton të jetë e martuar. Të gjenduar para faktit, 33-vjeçari fliste me motrën e tyre, të dy vëllezërit Arjon dhe Klisman Hasaj kanë organizuar vrasjen e tij.
Përmes një profili fallco në rrjetet sociale, natën e ngjarjes i kanë shkruar viktimës për të lënë një takim. Sapo Ramazan Mataj ka dalë nga shtëpia, ata e kanë drejtuar përmes telefonit në një rrugë pa drita dhe kamera sigurie, ku edhe e kanë ekzekutuar.
Pas ngjarjes, të dy vëllezërit kanë fshehur armën e krimit në një zonë të pyllëzuar dhe në mëngjes e kanë gropozuar në oborrin e shtëpisë. Të dy familjet jetonin në të njëjtin fshat dhe në zonë qarkullonin fjalë se viktima Ramazan Mataj kishte krijuar kontakte me motrën e autorëve. Të dy vëllezërit ndërmorrën aktin kriminal, duke i marrë jetën 33-vjeçarit.
Më shumë detaje rreth arrestimit dhe akuzave ndaj dy vëllezërve Hasaj i dha drejtori i policisë së qarkut Shkodër.
“Në përfundim të hetimeve u bë arrestimi i shtetasve: Arjon Hasaj, për veprat penale “Vrasja me paramendim” dhe “Prodhimi dhe mbajtja pa leje e armëve, armëve shpërthyese dhe municionit luftarak”. Klisman Hasaj, për veprën penale ‘Sigurimi i kushteve dhe mjeteve materiale për të kryer vrasje’”, tha drejtuesi lokal i policisë.
Njëri prej vëllezërve është arrestuar në banesë, ndërsa tjetri ka tentuar të largohet drejt Malit të Zi dhe është prangosur në pikën kufitare me shtetin fqinj.
LEXONI GJITHASHTU:
- U nxor në pritë përmes mesazhit në facebook, kapen autorët e vrasjes së 33-vjeçarit
- Kush e vrau 33-vjeçarin në Shkodër? Mesazhi nga 1 vajzë në facebook e nxori në pritë
