‘Viktima nëpër bunkere’, rrëfimi i trishtë i luftëtarit në Mariuopol

Një nga luftëtarët e fundit ukrainas që ndodhet në Mariupol tregon se fabrikat e çelikut janë shkatërruar dhe civilët janë bllokuar nën ndërtesat e shembura.

Duke folur nga uzina Azovstal, pjesa e fundit e Mariupolit që nuk është nën kontrollin rus, Svyatoslav Palamar tregon se kanë mbrapsur ushtrinë ruse.

“Unë gjithmonë them se për sa kohë jemi këtu, Mariupol mbetet nën kontrollin e Ukrainës”, shprehet luftëtari.

Kapiteni Palamar nënvizon se rusët kanë qëlluar mbi fabrikën e çelikut dhe kanë hedhur bomba në të.

“Të gjitha ndërtesat në territorin e Azovstal janë pothuajse të shkatërruara. Ata hedhin bomba, bomba që shkatërrojnë bunkerët të cilat shkaktojnë shkatërrime të mëdha. Ne kemi të plagosur dhe të vdekur brenda bunkerëve. Disa civilë mbeten të bllokuar nën ndërtesat e shembura,” tha kapiteni Palamar, shkruan BBC.

Pak ditë më parë, presidenti Vladimir Putin anuloi një sulm të planifikuar rus në fabrikën e çelikut.

Pjesa më e madhe e Mariupolit është shkatërruar nga bombardimet ruse.

Presidenti i Rusisë, Vladimir Putin pretendon se ushtria ruse ka marrë nën kontroll qytetin e Mariupolit dhe ka shpallur fitoren në portin jugor të Ukrainës. Por, kjo deklaratë nuk pranohet nga pala ukrainase.

LEXONI GJITHASHTU:

• Zelenksi e quan operacion terrorist rrethimin e Mariupolit, reagimi i Putin
• Putin pretendon fitoren e ushtrisë ruse në Mariupol
• Putin heq dorë nga ndërhyrja në fabrikën e çelikut në Mariupol