Violinçelisti 17-vjeçar që ka realizuar nëntë recitale

Duke pasur nënën dhe motrën violiniste, muzika klasike e ka shoqëruar 17-vjeçarin Klaudio Zoto, që në fëmijëri.

Në moshën 6-vjeçare Klaudio zhvillon konkursin për të qenë pjesë e Liceut Artistik të cilin e fiton. Ai zgjedh violinçelin për të luajtuar muzikë edhe pse ishte rritur me tingujt e violinës.

“Zgjodha instrumentin e violinçelit se ka një tingull të mrekullueshëm. Forma e tij me sjell në mendje një njeri që mund ta përqafosh dhe ka një timbër shumë të ngjashëm me zërin e njeriut. Këto janë arsyet se pse e kam zgjedhur”,- tha Klaudio.

Klaudio kujton se recitalin e parë e ka thënë në moshën 9-vjeçare dhe se deri tani ka bërë nëntë recitale.

“Koncerti im i parë recital ka qenë në moshën 9-vjeçare dhe deri tani kam bërë nëntë recitale. Recitali i fundit që bërë para pak ditësh ishte recitali im i parë solo dhe ishte për diplomën”,- tregoi për GenZ, 17-vjeçari.

“GenZ” është një produkt i projekt i “Youth of Tirana” mbështetur nga Bashkia Tiranë.

Këngëtari Lorenc Hasrama e njeh që të vogël Klaudion se kanë studiuar te Liceu Artistik dhe vlerëson shumë punën dhe talentin e tij duke ditur sakrificat që kanë artistët.

“Ne artistët kemi një botë tjetër nga të tjerët. Nëse jeta shihet si një garë ne nuk e kemi garën me njerëzit, por me veten. Ne luftojmë gjatë gjithë kohën me veten dhe limitet tona”,- shprehet këngëtari.

“Shpesh dëgjoj nga njerëzit që e keni në terezi se bëni punë qefi dhe keni një talent, por ne kalojmë shumë kohë duke studiuar dhe punuar që të luajmë sa më mirë muzikë”,- përfundon fjalën e tij 17 vjeçari.