Dizenjatorja 12-vjeçare e çorapeve dhe çantave me lule 3D që ëndërron të bëhet stiliste

Bleza Baftiu edhe pse është vetëm 12-vjeç krijon geta, çorape e çanta me lule 3D. Krijimet e saj i poston në rrjetin social Instagram prej nga merr dhe porositë.

Një mbështetje të madhe në hapat e saj të parë si dizenjatore, Bleza ka pasur nga e ëma.

“Për t’i ekspozuar getat duhet të kesh një modele që t’i vesh ato dhe unë përdor si modele mamin tim, ndërsa me lekët që fitoj një pjesë i përdor për të blerë materiale”,- thotë 12-vjeçarja.

Bleza nuk ndalet vetëm të krijimi i çorapeve, pasi me fillimin e stinës së verës do krijojë bikini me lule 3D, fustane e këpucë dhe në stinën e dimrit do krijojë madje edhe doreza.

Edhe pse ka ditë që ka shumë porosi apo edhe që nuk ka asnjë të tillë, vajza nuk dorëzohet dhe i ka idetë e qarta për të ardhmen e saj.

“Kur të rritem dua të kem dyqanin tim për të ekspozuar krijimet e mia dhe ëndërra ime është të jem një stiliste sepse më pëlqen të kombinoj rrobat bashkë”,- rrëfen Bleza.

Talenti dhe pasion i saj në krijimi lë shumë mbresa të artistja e make-up Eva Dibra, të cilës i pëlqeu shumë fakti që Bleza është detajiste në krijimet që bën.

Gjatë bisedës Bleza i thotë Evës dhe se çfarë krijime do bënte për të. Veshjen e krijuar nga ajo, Eva e ka veshur në moshën 23-vjeçare.

“Do krijoj një fund të zi me lule të kuqe ose të bardha 3D dhe do e kombinoj me çorapet e bardha, një rreth te flokët dhe vathë”,- tha për GenZ, Bleza.

Gen Z është një produkt i projektit “Youth of Tirana” mbështetur nga Bashkia Tiranë.

Duke dëgjuar idetë e qarta të vajzës, Eva Dibra ka një mesazh për të dhe moshatarët e saj: “Mos u ndal kurrë, vendos ëndrrën tënde primare dhe do e realizosh”,- përfundon make-up artiste Eva Dibra.