Vizita e ambasadorit Soreca në qendrat e votimit: Procesi po funksionon

Ambasadrori Luigi Soreca, ishte në një qendër votimi në Elbasan ku në një deklaratë për mediat u shpreh se ka vizituar shumë qendra votimi edhe në Tiranë gjithashtu dhe ka vënë re se ka një numër të lartë të pjesëmarrjes.

Në këndvështrimin e ambasadorit Soreca kjo është shenjë se procesi i ri i votimit dhe ky sistem i vendosur për zgjedhjet e këtij viti po funksionon.

Soreca tha se ka pasur dhe probleme, ku përmendi një rast në Tiranë, ku pajisja e identifikimit biometrik nuk kishte funksionuar si duhet, por menjëherë u zëvendësua me një të re.

Sipas tij kjo është një ditë shumë e rëndësishme për qytetarët e Shqipërisë dhe njëkohësisht bëri thirrje për të ushtruar të drejtën dhe përgjegjësinë për të votuar.

LEXONI GJITHASHTU: 

• Incident në Berat, dhunohet një vëzhgues i PD. Alizoti: Blendi Klosi të tërheqë horrat
• “Ke kërcënuar”, përplasje me kreut të Bashkisë së Divjakës dhe kandidates së PD-së