Vizita e Presidentit të Kinës në Francë, Mema zbulon arsyet: Duan botë multi-polare

Analisti Medlir Mema nga SHBA është shprehur se vizita e presidentit të Kinës, Xi Jinping në Francë vjen pasi të dy vendet nuk duan që një udhëheqje vetëm të SHBA-ve në botë, por duan një botë multipolare.

Komentet Mema i bëri në një lidhje për Euronews Albania, ku tha se Franca prej kohësh nuk ka qenë dakord me udhëheqjen e SHBA në botë.

Ai tha gjithashtu se Kina përmes nismës ‘brezi dhe rruga’ po zynon të ‘hyjë’ në Europë dhe pse jo ta përçajë atë nga SHBA.

“Kina ka pasur interes të hershëm për Europën, sepse Europa është një nga tregjet më të rëndësishëm në botë, por e shikon atë si një aktor të rëndësishëm që ta përçajë atë nga SHBA. Rusisë, Kinës, Iranit, Turqisë deri diku, por edhe Francës nuk i pëlqen që të udhëheqin vetëm SHBA.

Kërkojnë një sistem multi-polar, sepse mendojnë se në atë sistem edhe aleancat janë më fleksibël dhe është më e mundur që ata të kenë zërin e tyre, e jo vetëm të ndjekin SHBA nga pas. Ka kuptim të plotë që Franca ka qenë aty. Kina prej kohësh përmes një iniciative që quhet Rripi dhe Rruga, është një iniciativë që përshkruan gjithë rajonin aziatik deri në Europë”, tha Mema.

LEXONI GJITHASHTU:

• Kapet me 8 kg kokainë në makinë, arrestohet 22-vjeçari shqiptar në Francë
• Presidenti i Kinës viziton Francën, pritet të shkojë edhe në Serbi e Hungari