Vjosa Osmani: BE-ja të kërkojë ndryshimin e Kushtetutës nga Serbia dhe jo nga Kosova

Presidentja në detyrë, Vjosa Osmani ka mbajtur një takim virtual me shefin e Zyrës së Bashkimit Evropian, Tomáš Szunyog. Zonja Osmani me Szunyog kanë diskutuar për zhvillimet e fundit politike, ndërsa theksi i veçantë është vënë në relacionet ndërmjet Kosovës dhe Bashkimit Evropian.

Ajo ritheksoi se për zbatimin e marrëveshjeve të arritura në Bruksel, nevojitet bashkërendim dhe unifikim i qëndrimeve të tërë spektrit politik në Kosovë. 

“Në mënyrë që marrëveshja që do të arrihej në Bruksel të gjejë implementim dhe të konsiderohet e pranueshme në vendin tonë, konsideroj që duhet të punohet në mënyrë aktive drejt unifikimit të qëndrimeve dhe kërkesave të tërë spektrit politik në vend. Marrëveshja përfundimtare duhet të jetë në interes të qytetarëve të Kosovës dhe e tillë që e respekton Kushtetutën e vendit tonë, integritetin territorial dhe parimin e unitaritetit të shtetit. Askush nuk ka mandat që ta rinegociojë kushtetutën tonë e cila tashmë në vetvete përfshinë shumë koncesione”, ka thënë Vjosa Osmani.