Vlera e Tintin, 2.8 milionë euro, vepra e krijuar në vitin 1929 del në ankand në Paris

Me cullufen e tij karakteristike dhe qenin  besnik Snowy, personazhi Tintin prej vitit 1929 ka argëtuar publikun.

Tintin dhe aventurat e tij janë një krijim i karikaturistit belg Herge. TinTin një reporter i patrembur, i cili udhëton nëpër botë duke zgjidhur mistere. Përmes shpirtit të drejtësisë dhe dashamirësisë TinTin përcjell në çdo kohë optimizëm e të qeshura.

Një nga aventurat e tij më pak të njohura e çon reporterin simpatik në Kinë për një takim me Lotusin Blu. E pikërisht vepra origjinale e artit për këtë udhëtim  tanimë  dalin në ankand në Paris.

Që nga viti 1936, vepra shfaq Tintin që ndodhet përballë me një dragua të kuq ndërsa heton marrëdhëniet e një rrjeti spiunësh.

Kjo vepër origjinale pritet që në ankand të kap shifrën e më shumë se 2.8 milionë euro.

 “Kjo pjezës u refuzua nga botuesi Casterman për shkak të kostove të riprodhimit. Casterman mendoi se albumet komike ishin të shtrenjta dhe riprodhimi i kësaj kopertine do të rriste më shumë kostot e prodhimit. Kështu që Hergé do të ribënte vizatimin e tij në një mënyrë më të thjeshtë. Por do të ruante misterin, me një shkallë më të vogël ngjyrash,” – u shpreh Eric Leroy, një ekspert francez.

Kjo është vetëm një nga 5 shembujt e punës së artistit Herge,  të vlerësuara për origjinalitetin tyre, por nuk ka të bëjë vetëm me autenticitetin apo vlerën.

 “Ne kemi vendosur rekordin e mëparshëm për “Pages de Garde” (PAZH DE GARD) në 2014 në 2.6 milion që është një shumë e rëndësishme. Do të ishte e drejtë që kjo pjesë të thyejë këtë rekord. Hergé kishte bërë vetëm pesë kopertina komike duke përdorur këtë teknikë me ngjyra të drejtpërdrejta, pra është një pjesë e jashtëzakonshme që meriton një çmim të jashtëzakonshëm,” – tha Leroy.

Rreth një shekull pas publikimit Tintin vijon të mbetet  ndër librat komik më të lexuar po ashtu i realizuar edhe ne filma vizatimorë apo edhe lojëra kompjuterike.