Vllaznia – Çelsea, Kupa e Kampionëve zbret sot në Loro Boriçi

Ekipi i Vllaznisë së Femrave shkruan historinë e futbollit shqiptar. Sot në orën 18:45, në Loro Boriçi zbret ekipi i Çelsea të Londrës në ndeshjen e rradhës për Kupën e Kampioneve të Femrave. Ekipi shkodran është në grupin e ferrit të Kupës së Kampionëve me Çelsea, Real Madrid dhe Paris St. Germain.

Në prag të ndeshjes, trajneri i Vllaznisë, Nikolin Leka u shpreh në konferencn për shtyp se sfida është e vështirë por pavarësisht kësaj kërkon një lojë sa më dinjitoze nga skuadra e tij. Për këtë trajneri Leka kërkoi edhe mbështetjen e lojtarit të 12-të në fushë, tifozëve të shumtë shkodranë. “Çelsea është një nga ekipet më të forta në Europë dhe është pretendente kryesore për të fituar Kupën e Kampioneve. Ekipi ynë do të përpiqet të bëjë më të mirën. Për ne është një përvojë pozitive, kemi mbështetjen e sponsorëve dhe tashmë kërkojmë mbështetjen e tifozëve pasi kjo është ndeshja e fundit e Kupës së kampioneve në Loro Boriçi për këtë sezon”,- tha trajneri Leka.

Futbollistja e Vllaznisë Megi Doçi thotë se do të futen në fushën e lojës për të dhënë maksimumin. “Është kundërshtar i vështirë dhe kryeson grupin tonë. Ne jemi përgatitur të luajmë taktikisht dhe të synojmë kundërsulmin. Është një eksperiencë e mrekullueshme sepse jo shpesh herë të jepet mundësia për të luajtur në Kupën e Kampionëve”, tha Megi Doçi.

LEXONI GJITHASHTU:

• Tirana fiton Superkupën, bardheblutë mposhtën Vllazninë 3-2
• S’ka fitues në derbin mes Vllaznisë dhe Tiranës