Tirana fiton Superkupën, bardheblutë mposhtën Vllazninë 3-2

Tirana është shpallur fituese e Superkupës së Shqipërisë për herë të 12-të në histori, pas një ndeshje dramatike ndaj Vllaznisë e cila u mbyll në shifrat 3-2.

Shkodranët u shfaqën më kërkues në minutat e para të sfidës, ku gjetën dhe golin me Esat Malën.

Barazimi do të vinte në mënyrë spektakolare, pas një goditje nga këndi me topin që shkoi në zonën e rreptësisë, aty ku braziliani Patrik aplikoi një roveshatë dhe e ndali në trekëndësh.

Me nisjen e pjesës së dytë Tirana do të rrëmbente avantazhin, me Florent Hasanin, teksa shkodranët do të barazonin me 11metërsh të fituar nga Mala. Gjuajtja e saktë erdhi nga këmbët e Liridon Latifit.

Kur gjithçka u duk se do të përfundonte në barazim, ishte i përherhshmi Redon Xhixha që vulosi fitoren 3-2 të Tiranës. Vllaznia e pafat pasi është sezoni i dytë radhazi që humbet ndeshjen e superkupës, fillimisht ndaj Teutës, e tashmë ndaj bardhebluve.