Vllaznia do të përballet me ekipin Rumun të Universitatea Craiova në ndeshjen e vlefshme për turin e dytë eleminator të Conference League.
Shkodranët do të luajnë shansin e tyre të parë përballë Rumunëve ditën e nesërme në orën 21:00 në stadiumin “Loro Boriçi” ku pritet një numër i konsiderueshëm spektatorësh.
Pas rreth 2 javësh grumbullim në Austri, kuq e blutë janë grumbulluar në Shkodër dhe duken plotësisht gati për këtë përballje.
“Jam i sigurt që Vllaznia ka ardhur në gjendje optimale dhe mund të them që luajtja direkt në turin e dytë, na ka bërë mirë për faktin se kemi pasur kohë më tepër për t’u përgatitur”, u shpreh Josa.
Për kapitenin Erdenis Gurishta, përballja është shumë e fortë dhe shpreson të ketë të njëjtin impenjim me të cilin një vit më parë, Vllaznia përmbysi rezultanin 3-1 të ndeshjes së parë përballë Siroki Brijeg .
“Objektivi ynë vitin e kaluar ishte kalimi i turit të parë, ia arritëm qëllimit. Këtë radhë kemi shans tëluajmë në turin e dytë. Të japim maksimumim dhe të mendojmë edhe kualifikimin”, tha ai.
Përpara këtij takimi, problematike mbetet vetëm gjëndja fizike e Liridon Latifit i cili me shumë gjasë nuk do të nisë si titullar këtë takim.
Interesimi i tifozëve duket i lartë për këtë ndeshje. Aktualisht janë shitur rreth 3 mijë bileta ndërsa pritshmëritë janë për mbi 10 mijë tifozë.
LEXONI GJITHASHTU